Les jardins1964 inondation rue des soupirs
par christian le, 15/02/2006J'habito 5 rue des soupirs au momint d'l'inondation , quand la Lawe al a débordé .
El rue el éto in cuvette , y a eu pus d'deux mètes d'iau d'in maigeon. J'sus à peu près sur qu'chéto in 64 , au momint d'l'fête des Ecoles. A cause ed cha , in a déménagé din l'rue d'Normandie , pour qui puiche raser l'maigeon.
Jé m'rappelle dé ch'l'ambulancier qué arrivé trop vite avec es carrette et qu'a du s'déshabiller n'dins pour arvénir à l'nage. Ch'éto juste in face d'mi. Parmi tartous , i n'oro bin un qu'y a des photos d'cha.
Nan Christian, j'pinse que ch'étot avant 64, putot in 62 ou 63, ch'étot vraimint l'jour d'la fête des écoles au Stade Parc, passe que mi ch'jour là j'éto parti à Cambrai faire in meeting d'athlétime (100m, saut in longeur) avec ch'nouviau clupe à Bruay l'USOB (Daniel ch'garchon d'Omer i étot avec mi ch'jour là), et in s'intrainot au stade parc, ch'ti qu'Minloute i faire vire tout partout et qui est presqu'in ruine à ch't'heure.
Bref in arvenant i avot del bidoule tout partout din Bruay, des branques d'apes au milieu d'chés rues, je m'rappelle d'inne ambulance dû qu'in veyo pu que sin gyrophare, alle étot effectivemint in bas din du côté du garach' Thersen prés d'ech pont
