Les jardinschés essoreusses
par Marie-Claire le, 15/02/2006Quand y avot pas core d' machine à laver, et ptete même qui avot des machines au début qui essorrotent pas, in avot des tchiotes essoreusses
In métot ch' linche dins l'essoreusse, y avot un bec d'vant qui déversot l'iau d'essorache, fallot mette un recipient suffisamment grand in d'sous ou alors l'été in l'posot à l'cour
vous dire pourquoi cha m'a arvénu aujourd' hui, ben ché simpe, min laffe linche y est in train d' em lacher, i veut pus essorer .........
Ouais, et avant chés essoreusses i avot quoi?
Bin i avot chés rouleaux, in passot ch'linch' din chés rouleaux in tournant inne manivelle, l'iau al arquéyo din l'batteusse et d'l'aut' côté ch'linch i avot pu gramint d'iau n'din.
Et cor avant i avot chés batteusses in bot sur pieds avec in moteur électrique et inne courroie qui faisot tourner des battoirs din l'batteusse, in cop d'in côté et in cop d'laut'.
Avec chés machines là i a eu gramint d'accidents passe avec l'iau qui avo autour l'"jour d'el lessiff'" et l'électricité (du 110 à l'époque) din l'coin, cha faiso pas bon ménach'.
