Merlimont, une rue 1
par minloute le, 17/02/2006bon des précisions, ché l av'nue d' la plache , celle qui mène à la mer, sul' gauche i avo ch' cinéma, pi eune place, sul' droite chéto l églisse
oh l' plaisi d aller à la mer, d abord chéto d'jà un plaisi d aller à la mer, quand que t éto tchiot té voyo cha loin, et t avo ker passer par l'av'nue d' la plache pasque chéto là qui avo tous ché commerces
ché commerçants i zétotent pas fous, i mettotent such' trottoir ché bacs du qui avo tous ché juets in plastique, i zavotent accrochés in l air ché avions avec les zailes qui faizottent du bruit quand qu on les faiso voler, plus ché bateaux gonflapes, sans parler des moulins à vents plantés au beau milieu des bacs ,tout cha cha avo l air pour mi d' dire "viens ichi minloute , acate me, acate me" mais j' savo , j la djà dit dins zin aut' sujet, l argent chéto pas tabou , ou plutot j' savo qu in dépinso pas sans compter, alors j' raviso bin c' que j' voulo et ché vrai ché toudis quand ti ti attindo pas, qu' tin père ou t'mère i dizotent "quo qu' té veux " alors mi j éto pas fou non pu, j avo djà choisi quéquosse que j' savo que cha alo m' faire plaiji mais que c étot dins un prix raisonnape
souvint chéto un pistolet , ou alors un avion cerf volant , mais j' savo d avinche que ch' bateau gonflape i fallo pas y pinser
chéto bien, j' trouffe , chéto sain, pi cha donno eune vraie valeur aux chosses, et j' dirai que cha m est resté, j a pas pourri mes zinfants mais j ai su aussi leur dire, "si j' t acate un si bio cadio, faudro que j acate un cadio aussi bio à t' soeur et à tin frère , et cha j' peux pas " mais cha a toudis bien passé