reflexion sul' carte postale del plache ed merlimont
par minloute le, 17/02/2006sul' première carte , in vo un snack qui éto juste au bord del plache, oh combien d' fos j' a révé d' y aller minger quand que j' éto jone, d' acater eune assiete ed frites, eune glace ou l' sommome , d y minger
quand qu' on éto tchiot , après minger , in allo faire un tour et chéto toudis al' plache, mais cha nous lasso pas, pasque j' su sur que vous vous in souv'nez , que ce soit à Merlimont, Stella, ou Berck , l' plache ché pas la meme chosse qu'on qu' in y a l' matin, l' aprés midi ou l' soir
l' matin ché plutot "crevettes", l' aprés midi "baignate" et l' soir "prom'nate"
ouais , l' soir , in allo souvint sul' plache, pour y rammasser ché coquillaches
et j' do dire , que j' invio ché gins qui mingeottent au restaurant, en fait au snack, face al' mer
pour mi, pt'ete que cha va in faire sourire , pour mi, chéto des gins qui n' étotent pas d' not' monde, j' savo que nous in y allo pas, que chéto trop cher, chéto acquis , mais j' les invio quand meme ......
et bin , bin plus tard, j' éto majeur, j' habito pu ché mes parints, j' habito en région parisienne, et un coup in a décidé d' aller vire l enduro du Touquet, in est arrivé in fin d' aprés midi et l' snack i éto ouvert, j' a rien dit , mais ché là qu' in a mingé avec mes camarates, j' a rin dit , mais pour mi chéto comme eune victoire, non pas cont' mes parints, mais eune victoire pasque j' pouvo m' payer l'repas, comme cha , face à la mer, cha peut paraite puéril , mais pour mi , cha a été quéquosse d important pour mi