vous résumer ch' t année
par minloute le, 21/02/2006in peut dire que cha a cogité un bon momint chacun d' not' coté, marie claire et mi , pour busier à faire un site, chacun i devot i pinser, mais sans l' dire à l' aute, in éto sur un aut' site
pi ché parti comme cha en quoi, en quelques mails, in a décidé cha
oh , in savo pas du qu' in allo, in savo pas c'que cha allo d' venir
in s' a lancé
j' cro qu' in l' a fait chacun d' sin coté , ptete pour "régler des comptes " avec sin passé, meme si ch' t' expression là faut pas la printe dins sin mauvais sens
j' cro même que si in a fait ch' site in l' do surtout à l amour qu' in a pour nos parints , cor vivant pour eum' mère , pour ma part
ché justemint pasqu' on a eu des bons souv'nirs, meme si cha a pas été toudis rosse non plus, faut pas exagérer , j' cro qu' in a simplemint du mau à dire des mots qu' in apprint tout chtio et qu' in jour in dit pu "papa, maman" , mi quand que j' parle am' mère au téléphone , quand que j' li dis "maman" ché comme chi j' li dijo "je t' aime" , j' l' apprécie à sa juste valeur ed' pouvoir cor lui parler, ché un bonheur, un trésor , qu' on s' rind vraimint compte del' valeur , quand qui sont pu là
in dit pas que ch' site i est parfait, loin de là, in l' fait avec amour , avec plaisir
cha nous a permis aussi , d' met' sul' site des photos d' nos chers, même si au début cha a pas été facile , mais ché comme eune thérapie ptete
ché comme chi en ouvrant l' site , j' artrouvo min père, Fortuné ch' mineur artraité, et plein d aut' personnes
in' na qui sont décédées d'puis d' zannées, et l' fait d' cacher des sujets, d' fouiller dins ché papiers d' famile, cha permet d' avoir eune meilleure idée aussi d' sin passé
in voulo marie claire et mi, comme lancer eune boutel' à la mer
ins' rint compte que d' eune génération à l' aute , y a des chosses qui paraissent incompréhensipes
un jour i a eu un sujet j' cro bin que chéto d' la Clo , qu' ale raconto qu' in metto des bouillottes dins ché lits
pour ma part j' a raconté l' arrivée del poste ed télévision al' mason
tout passe vite, ravisez ch' portape, i a cor quéqu' zannées , l' bibop, ch' téléphone portape qui pouvo que recevoir et cor, dans certaines conditions , chéto l' top du top, achteure in in rigole
ché pour cha qu' in voulo témoigner d' not' passé mais busiez aussi, que chacun d' entre vous , zavez des tchiotes anecdotes pour vous et pour les zautes cha pourro ete des trésors d' informations
comme j' l' ai dit y a a pas longtimps , vu l' nombe ed visites, mi j' su sur qui a des mineurs là haut , qui dovent ete achteure branchés sur internet .....