Les jardinsGrisou! par Annie Dedourges-Pailliot
par annie62110 le, 05/03/2006In est le 3 Février 1970, j'su à Henin a m'maison avec m'tiote fille, m'n' homme y travalle, soudain al' radio un flash spécial" coup de grisou al'fosse 6 ed' Fouquières"
min père y'est au fond je l'sais, min sang y' s'artire d'mes veines, j'fait vite prév'nir m'n'homme, sin patron il l'rinvo à l'maison.
Tout d'sute, in sin va à Fouquières. Arrivés à l'maison d' més parints y'a in monde fou, j'ose pas rintré, les voisins y sont in trin d' braire, m' mère al est d'in in état épouvantable, y savent rin.
in décide avec m'tiote seur d'aller al fosse. Y a in monde fou al' grille, mais toudi pas d'nouvelles, in va attindre des heures, m' n' oncle Jean qui travalle d'jour y sait rin mais j'aime pas l'tiète qui fait, y'a pas vu min père, el temps y'est long.
Quand tout à coup le vl'a je m' mets à braire j'peux pas m'inreter, y'a eune drole d'air faut dire qu'y a été cangé d'poste ch'matin, l'porion qui rimplacho y'eto arvenu, in saura plus tard qu'y a été tué. A l'maison ché la fête, mais min père li y pinse à tous ses copains qui sont morts ach'teur qu'in a eu el liste, y'est malade, y'a raconté cha mieux qu' mi su l' site de Fouquières les Lens. Commin voulez vous qu'in oublie in père comme cha! Surtout que ch'jour là y'avo été donné pour mort
