té laisses l' leumière alleumée, m'man, hein !
par minloute le, 06/03/2006rien ni faijo, té pouvo tout faire pour essayer d' aller t' couquer plus tard, rin ni faijo, i fallo monter là haut dans l' champe, alors m' mère ale m' accompagno, am' faijo un bisou , pi ale ardéchindo, et ale devo laisser l'leumiere alleumée, mais souv'nez vous , eune fos l' porte in bas arfermée, ché comme chi l' ambiance del pieche ale cangeo , j m' artrouvo tout seu à l étache, et cha ché tchiots lutins i devotent l' deviner , et pour s' moquer d' mi , i faijotent du bruit, chéto eune marche qu' ale craquo sans raison, in pouvo m' dire que chéto ch' bo qui travaillo mi j' le croyo pas, ou alors l' radiateur qui faijo un drole ed glouglou ou alors eune ombre laissée par l' lumière qu' ale semblo arsembler à eune personne qu' ale éto debout dins l' pièche, immobile
ou alors quand que vraimint j' me metto les chocottes, j' éto persuadé d intinte des pas lourds dans l'escalier , des pas pesants, sur'mint, non ché pas l' mot, chéto sur, chéto un fantome , ouais oh ché facile d' rigoler quarante ans aprés, mais j'vous promets d' écrire à nouveau ché peurs que j' ai eu , p'tete que c' soir , j' auro du maux à monter tout seu là haut, faudra que grand mère am' rassure , in bas d' l' escalier