vacances à La Napoule
par mariegroette le, 06/03/2006Mi quind j'intinds ch'mot là, "La Napoule", ech pinsse toudis è mamie et papy, à eune vielle photo qui à force elle est toute blanquie. In les vot, elle pis li, pu jonnes bin sûr, pindint leu premières vacances ed leu vie. Chétot à la Napoule.
Y prentent la pausse, li avec sin fidèle béret, es tiête un peu ed su l'côté. Il fait un biau sourire in ténant es cigarette roulée din s'main. Y'é bio là d'sus té verros, un dirot un américain. Pis elle à sin côté, elle y tient sin bras, din s'note main y'a sin grind sac à main (d'ou qu'elle mettot tout sin fourssin). Elle a fait s'misse en plis, elle a même mis ses dints et elle sourit aussi. Même si que l' photo elle est passée on vouais aussi qu'y a du solel et des palmiers.
Z'avotent pourtant pas l'air d'ête dépaysés!