l' cuisinière chappée
par minloute le, 08/03/2006oh ale éto djà pas neuffe, ale trono à Merlimont, cha voulo dire qu' ale avo déjà bin vécu s' vie à Bruay pour finir s' vie à merlimont....
ale trono dins l' salle à manger salon cuisine, eh ouais, chéto pas grand vu que l' pieche à coté chéto l'champe du qui étotent serrés ché tro lits dont deux doubes......
mais in l' aimo bin , l' cuisinière , ale éto toute émaillée, avec des dessins d' rosses , ale éto vraimint belle
in l aimo bin aussi pasque l' soir à merlimont soit qu on i allo à paques, ou al' pentecote, i faiso cor cru
pi aussi l été pasqui arrivo qui pleuffe et qu eune flambée cha faijo pas d' maux
chéto aussi tout un art del' carquer, pas met' trop d' papier, pas mette trop de p'tit bois, parel pour les buchettes qu in metto aprés, ale avo un tchiot appétit , tout du moins au démarrache, si in in métto trop, ale s étouffo , et in avo dro à des rel'ents d' finquée dinl' pieche, dés coups à pu s' vire , mais in l aimo bin quand meme
pi un jour ale a rindu l ame, ale in pouvo pu, ale éto arrivée au bout, cha parto en pieches détachées , comme si ale rouillo, mais là ch' fer i éto attaqué par l' flamme aprés bin des zannées , d' bons et loyaux services , ale a rindu l ame
in l a rimplaché par un tchiot feu qui avo toutes les qualités , i preno bin tros quarts ed plache in moins, i finquo pas, et i cauffo mieux , mais i avo pas l' charme del' grande cuisinière ....