non, t'iras pas à l'fosse

Non, t'iras pas à l'fosse
Chanson d'Edmond Tanière

Sitôt arrivé l'momint d'travailler, s'agissot point d' s'amuser dins les rues
Sans pus tarder i fallot s'imbaucher, du boulot, i n'avot n'import' dù
Mi j'avos bin eune p'tite préférence, aussi toute suite je l'confios à min père
Et j'pinsos bien qu' j'aros eu eune tchiote chance, mais dins seul coup i s'a mis in colère

Refrain:
Non, té n'iras point à l'fosse, ravisse comme j'sus arringé
Non, j'té dis qu' t'es qu'un gosse, avec l' cerveau déringé
Non, té n'iras point à l'fosse, au fond te n'déchindras pas
Te n' s'ras jamais qu'un pauf' gosse, si te n' m'acoutes pas

Alors bin sûr, dins l'état qui étot, chétot pas l'momint surtout de l'contrarier
Du cop j'a laissé tomber l'grand bureau, du boulot, j'in avos bin trouvé
Ch'est comme cha que j'suis dev'nu marchand d'glaces, dins les corons j'passos in moto
Chétot in attindant d'trouver eune aute plache, mais te sais bin dù qu' ché que j'ravisos

Refrain:
Non, té n'iras point à l'fosse, ravisse comme j'sus arringé
Non, j'té dis qu' t'es qu'un gosse, avec l' cerveau déringé
Non, té n'iras point à l'fosse, au fond te n'déchindras pas
Te n' s'ras jamais qu'un pauf' gosse, si te n' m'acoutes pas

Après les glaces, j'a fabriqué du pain, de l'frodure j'sus passé à l'caleur
Min père et m'mère, i zétotent bin contints "Cré chameau Va! Te nous as bin fait peur"
Comme j'étos tchiot je n'disos jamais rien, mais dins m'tiete j'avos toudis l'même idée
Aussi j'attindos un d'ches bons momints. Ah ! Que j' s'ros heureux quind j'pourros dévaler

Refrain:
Non, té n'iras point à l'fosse, ravisse comme j'sus arringé
Non, j'té dis qu' t'es qu'un gosse, avec l' cerveau déringé
Non, té n'iras point à l'fosse, au fond te n'déchindras pas
Te n' s'ras jamais qu'un pauf' gosse, si te n' m'acoutes pas

Un jour min père qui avot le dos tourné, sans l'argretter j'a quitté l'boulangerie
Au grand bureau j'sus parti m'imbaucher, j'avos peur, mais j'étos contint d'mi
J' savos bin qu'in rintrant à l'maison, qu'tous les deux zaurotent eu du chagrin
S'mettant tout d'bout, min père i m'dit : " Min garchon, ch'est malheureux vu qu' t'as pas acouté "

Refrain:
Non, té n'iras point à l'fosse, ravisse comme j'sus arringé
Non, j'té dis qu' t'es qu'un gosse, avec l' cerveau déringé
Non, té n'iras point à l'fosse, au fond te n'déchindras pas
Te n' s'ras jamais qu'un pauf' gosse, si te n' m'acoutes pas