Les jardinschés marchands ambulants
par Marie-Claire le, 11/03/2006Mimi i parlot d' marchands ambulants, j'peux dire que cha existe toudis
dins chés mines j'sais pas trop mais à m' mote qui n'a core un peu par chi par là, par conte j' peux vous dire qu'à Enquin les mines par exempe, dù que l' première grante surface ale est à 10 kms et qui a pus d' commerce d'alimentation dins ch' villache et cheux alintour, ben y a toudis eune masse d' marchands ambulants
ch' boulanger tous les jours, ch' boucher, ch' charcutier, ch' poissonnier eux i dottent passer un cop par semaine.
I n'a qui in même temps vindent aussi un tchiot peu d'épicerie d' première nécessité comme les laitages
à eune époque j'a connu un marchand d' chaussures, li i devot passer un cop par mos ou ptete plus et aussi un marchand d' toutes d' sortes, vêtements et toutes d'sorte d'bricoles cha pouvot aller des épingles à linche à l'acorcheux in passant par eune boite d'alleumette ou des bas ou du fil et j'in passe, in s' demindot toudis commint i féjot pour caser tout c'qui avot dins sin camion
Chés gins i arconnotent leu marchand à l'heure qui est et ach klaxon, " ah vlà min boucher, tiens i est in avinche aujourd'hui, j'a pas préparé min porte monnaie .. " qu'in intind
faut dire qui a core gramint d' personnes agées qui n'peuvent pas s' déplacer facilemint, alors ché bien un tchiot peu plus quer, mais ché bin pratique et pis aussi comme dijot Mimi, ché del chaleur humaine et cha cha n'a pas d' prix, chés commerçants is connaiss'tent tout l' monte et i transportent aussi chés nouvelles d' villache in villache
