pis qu'ches miserables
par tiotcharin le, 18/03/2006J'ai connu d'in' m'ville d'Harnes, ch'és corons qu'y avo avint ch'eux des houillieres nationales. Ch'éto des masons qu'y étotent dos à dos. Y z'avotent eune piéche in bas et eune in haut. Ch'es corons y étotent in longueur, y avo eune vingtaine ed'masons.
Devant ch'és kémins y z'étotent in tierre battue, in face y avo des baraques
In ch'temps là in n'avo pas encore d'courant d'in ch'és masons; in s'éclairo avec des quinquets à huile,à pétrole, avec des bougies. Y avo pas non plus d'iau. Y fallo aller in haut d'ch'és rues al'pompe. Ch'éto toudis ch'és tiots qu'y avotent ch'és corvées, ch'és séaux y z'étotent plus lourds que nous. Quand ch'éto l'lessive, y in fallo grammin pour rimplir ch'baquet in bo. D'in ch'és masons là y vivotent, "chés parints et des 4 à 5 gosses? "Y avo pleins de poux ed'punaises d'in ch'és boiseries et des cafards. Tout y éto crade, pourtant j'vous parle éd'cha y a à peine 50ans. J'ai souvint pinsé à ch'és misérables et à cosette. Parce que ch'és nous ch'éto pleins ed'cosettes.
Bon à dé, bons bisous à tertous.