min père i a pas su par minloute
par minloute le, 18/03/2006l' avantache du site, quand qu' on lit ché histoires, mi j' viens d' me printe dins l' guiffe l' histoire d' Annie , "min père i a pas su", mi cha m' a vraimint vraimint touché , pasqu' un homme i peut pas dire qui a essuyé eune larme.....
pi d un coup , cha m' est arvenu am' guiffe ; Annie j' a vécu aussi un truc comme cha , min père i est mort l' 6 juillet 2002 et m' file ale a eu sin résultat d' bac , qu ale l' a eu l' 10 juillet , j in ai brait d' joie et d' tristesse , si i avo été là , cha li auro fait plaiji j' in suis sur
j' me souviens , j' la djà raconté, quand qui a su que j avo min bac, j' le vo cor , chéto dans l' rue face au lycée carnot, avant qui fassent les rénovations, j' le vo cor, j' peux pas dire courrir, pasqu i avo eune gampe raite mais i faijo tout c' qui pouvo pour arjointe em' mère, m' mère cale éto au bout del rue près del carette,(elle avo pas voulu v'nir) , l' feule que j' avo archu qui diso que j' avo min bac dins' main , i l' agito comme un drapeau ......