Les jardinset chés solex
par Marie-Claire le, 28/03/2006minloute i parlot hier del dame du bout del rue et d' sin vélo, cha m'a rapp'lé l' voisine à Grenay
Ale s'app'lot Philomène mais si os voulotent ete in bisbisse avec elle, i fallot surtout pas l'app'ler comme cha, in l'app'lot donc Philo
Philo ale avot c'qui étot gramint à l' mote dins les années 60, ale avot un vélo solex, in dijot un solex
os savez un espèce d' vélo avec ch' tiot moteur d'vant sous ch' guidon
Un solex chétot pas réputé pour ete un modèle d' stabilité, et Philo non pus ... faut dire que j' vas pas l' dénigrer, ale étot bin gintile, mais faut arconnaite que quand in veyot Philo partir avec sin solex in s' demindot toudis commint ale allot arvénir, ale allot faire sin marqué et y avot chés cabas au r'tour.
des chutes ale n'a fait eune paire, et pour tout dire tant qu' j'y sus faut dire qu'ale étot bin un peu ronte, rin qu'ses bras cha m'a toudis impressionnée
si y a des descendants d' philo qui lisent un jour, j' vas leu dire que j'a pas dit cha pour m' moquer, loin d' mi ch' t' idée
mais Philo et sin solex j' m'in souviendra toudis, ché eune imache qui m'reste marquée, j'el vos core démarrer, j'a toudis treuvé qui zétotent pas fait pour aller insanne, faut dire qu' in règue générale chés solex cha d'vot pas ete évident à m'ner, chétot pas qu' des routes goudronnées non pus, faut pas oblier cha
