Les jardinsEcoutez les et faites les parler
par Marie-Claire le, 29/03/2006Ché drole queque fos, j' m'apprétos à faire un sujet pour dire que j'argrettos bien d' pas avoir fait parler plus min père, m' grand mère et min grand père, (ceux qu' j'a connu l' pus longtemps), et d' pas les avoir plus interrogés su leu vie quand j'étos plus jone, et vlà que j' vos un sujet déposé par MIMI qui cache des photos del Fosse 7 ed Barlin et qui argrette d' pas avoir pris d' photos étant jone
Alors j' vas l'ardire core un cop à chés plus jones, à cheux qui ont core el chance d'avoir leux parints, ptete même grands parints, ou del famile, ou des amis, enfin des gins qui sont prêts à vous raconter des chosses su leu vie,
Ecoutez les et faites les parler !
et prindez des notes passequ'in artient pas tout
Et aussi passeque c'qui peut vous sembler pas important pour vous aujourd' hui, et ché souvint l'cas quand in est jone, eh ben cha peut et cha risque fort même del' dev'nir dins queques années
Et c'que vos proches vont vous raconter, ché aussi vote vie à vous, vos racines et vote histoire
Ché pour cha aussi qu'in est friands des souv'nirs d' tertous qui les racontent ichi, et qu' tertous i sont bin contints aussi d' les lire queque part, alors mi parfos cha m' fait l'effet qu'in assempe un grand puzzle et qu'in cache toudis des pièches manquantes
Core merci à tertous
