la bibilothèque rosse
par minloute le, 30/03/2006j in ai gardé un bon souv'nir ed la bibilothèque rosse ou verte , j éto en vacances à paques à Caen, ché m' soeur , et in avo prévu d' aller s' prom'ner toudis, mais savez pas , bin in normandie cha arriffe qui pleuffe et là cha quéyot ..... tout ch' séjour cha arréto pas, in a visité ché cathédrales, l' tapisserie d' bayeux mais cha limito quand meme ché sorties, et là min bio frère i m a arsorti un carton du qui avo des liffes del bibilotheque rosse , du clupe des chinq surtout, pi aussi des liffes d' la bibilothèque verte , des "michel" chéto l' nom du héros, pi un liffe que j a d ailleurs gardé chéto "champion cycliste par louison bobet" ch' liffe là , j' sais nin combien d' fos j' la lu, des boucles de la seine, es' premiere victoire avec comme coéquipier un certain chapatte, chti qui présento eune paire d années aprés l' sport al' télé, s' victoire dans l' milan san rémo conte chinq italiens, ses victoires dans l' tour d' france , ses défaites aussi
alors quand qu in jour j a eu l' télé et qu on a vu des retrospectives, cha avo étonné m' famile que ch' connaisso bahamontes, bartali, coppi, riviere, charlie gaul , tous ché courreurs ed l époque
et ché pour cha aussi que jusqu y a deux ans, j' raviso toudis ché classiques du nord al' télé, achteure , j' dos dire que si i pleuffe j'ravisero, mais qu achteure j' su plutot avec min sac à dos et mes godasses pret à partir dins l' montane