bon vla ti pas qui zont votés ch' c p e
par minloute le, 30/03/2006bin cha va et' bio , ché prochains jours, i minquo pu qu' cha, l' chicoungougnia, l' grippe à zozio ,(j ai pas écrit l' grippe à ch' Zio), l' chomache, ché fermetures d usines qu in intind qu' cha al' radio, mi ch' travale dins l' commerce et in trouvo déjà que chéto morose ech' t année, bin cha va pas arranger les chosses tout cha
allez j' va m' donner m' n avis sur l' c p e , meme si in fait pas d' politique such' site, mi, j' su persuadé, mais alors j' mets m' main à couper que c p e cha va pas augmenter l' nompe d' emplois, non , j' su sur que tout cha ché bon que pour l' patronnat , j' m esplique
souv'nez vous déjà des trente chinq heures , quand qu in nous la vindu, chéto la gauche, in nous a dit , zallez vire vous zallez travailler moins, in nous a vit' dit qu in allo moduler, et dans l' réalité , bin ché nin ti qui choisit tes horaires , ché tin patron, et ché li qui décite l' nompe d heures que té va faire dans ch' te s'maine, ché comme cha en réalité, meme si ché encadré par la loi
et pour mi c p e , c n e, mis en place par la droite ché parel, ché zentreprisses i vont dev'lopper ché c p e pasqui vont toucher des zallocations , des primes d embauche et que ché cha qui les interessent et rin d autres
allez imaginons ch' c p e qui s installe, ché patrons i vont engager ché jones d' moins d' 25 ans , pi zallez vire, ché jones i vont trouver du traval, mais in risque d'et' mis al' porte ou au moins d avoir plus ed difficultés pour trouver du traval à vint chinq ans , bin ouais té rapporte pu d' primes à l entreprisse, et mes gins , chomeur à 25 ans , i a cor du boulot avant d arriver al' l artraite