Les jardinsin mingeot souvint des pigeons
par Marie-Claire le, 02/04/2006L' site à Philippe cha m'a rapp'lé qu'in mingeot souvint des pigeons aux ptits pos, j'ose pus dire des coulons quand in parle d' minger, j'sais pas pourquoi
à m' mason personne a jamais été coulonneux mais y in avot dins l' famile et y avot des voisins, alors d'temps in temps i nous donnotent ou vindotent d' quo faire un repas qu' mi j'avos ker, les pigeons aux ptits pos
fallot pas compter sur chés restes l' soir hein, vu l' talle del bete, mais chétot bon
achteure ché un plat qui a presque complèt'mint disparu, j'a core jamais vu des pigeons à ch' supermarché,
mais cha disparait aussi avec l' nompe d' coulonneux qui sont d' pus in pus rares
Ch'est avec Naïs, qu'in traversot l'route qui ménot à sin gardin, pour aller donner à minger à chés pigeons. S'homme Henri, il étot coulonneux.
Cha fleurot l'mais et l'brin d'coulon, paraitrot qui faut in mette dins ses bottines pour ti grindir.
J'étot à m'article, fallot monter un tiot escalier avec inne muche padzou et leu mette du grain.
Alors quind un jour in m'a dit : in va minger du pigeon, j'ai du faire inne drôle ed tranche. Mais j'étot pas au bout ed mes surprisses passe ch'vindeux d'pigeons il a tordu l'kiki ed chés pétites bietes tout in continuant ed raconter s'vie!!! Chétot vraimint l'quatrième diminsion!
Arrivés dins m'assiette, avec chés tiots pos (forchémint) faut arconnaîte eq cha sintot bon, mais am mote cha avot in goût d'arvient-z-y pas.
