ché jones d' la rue verte

nous in avo not' territoire, chéto l' rue leverrier, l' pature à coté, ché garaches, ché gardins jusqu à l impasse toupy, au coin qu achteure i a Ducrocq ch' boucher
j a djà dit i a des coups in parto à l aventure , et in avo foutu eune sacrée raclée à ché jones d' la rue anatole france qui habitotent du coté del cité des électriciens
mais ceux qu in s intindo l' moins chéto ceux del rue verte, d abord in les considéro pas d' bruay, pour nous chéto d' l aute coté des camps, pour nous plus prets d haillicourt que d' bruay
et i a eu des coups où chéto tendu , i a eu eune fo eune incursion d' leu part, alors aprés in s a méfié , in les za eu aussi , in s éto camuché et in leur est tombé sul' pal'teau
chéto eune victoire mais in avo pas gagné la guerre, l' jeudi quand qu in juo dans l' grante pature, tout au bout , i avo un grand bosquet, in avo installé des fichelles pour bloquer ché ch'mins, et in les avo laissé approcher et là encore in les avo eu , mais chéto des teigneux , i a eu un coup i zont attrapés un d' l équipe , i zétotent camuchés dins ché blés, et l aute i s a artrouvé l' derriere à l air
alors aprés cha, i avo toudis eune sentinelle qu ale raviso ché blés d' temps in temps, ouais pasqu i progressottent couchés dins ché blés, heureus'mint comme qu on éto un tchiot peu en hauteur , in arrivo à les vire avincher , alors là chéto bagarre, jets d' cailloux, d' mottes ed' terre, et meme un coup fusil à air comprimé oh chéto pas des balles, i n a un qui avo un drole ed carabine, té artiro eune tige au bout du canon, chéto comme un tire bouchon, alors té rintro l' tiche dans eune pomm' tiere et aprés té l arméto dins ch' canon et té tiro, t avo les morciaux d' pétote qui partotent, mais à eune vitesse , à chinq metes chéto comme eune giffe chi t archevo cha dins tes gampes
oh i a eu des coups du qu in s a camuché à nos masons aussi, vu qui zavottent ram'nés des grands frères et meme un tchien policier , courageux mais pas téméraires ....