Les jardinsL'régime d'internat à l'Ecole Normale
par Ch'Zio le, 04/04/2006Dins les années 1941-1944 l'régime d'internat i étot dur. In n'sait pas pour queu raison, l'administration al nous autorisot seulemint eine sortie tous les quinze jours du samedi soir au lundi matin. L'aut' diminche, même in terminale à 19 ans, in allot in promenad', l'après midi, in rangs et incadrés par deux pions.
El photo al moute eine promenad' ed normaliens dins ches rues d'Béthune in 1944. Comme d'habitude Ch'Valentin et Ch'Map i z'ont fait l'clown quand i z'ont vu m'n'apparel photo. Quant à ch'ti qui muche es' figure avec ses mains, ch'est un futur député du Pas de Calais.
Ch'réglemint i étot vraimint anormalemint sévère, surtout in nous impéchant d'rintrer à nous maison tous les diminches pour aller i querre in supplémint d'nourriture, car in avot faim à l'internat.
Mais achteure in est vraimint allé trop long dins l'aut' sens: l'administration al est dév'nue trop laxiste, in tolérant qu'eine pugnie d'élèves excités bloquent leu lycée, in toute impunité, en impéchant tous ches aut' élèves ed' préparer leus examens.
( 1 photos)
