l' vieux plat
par Marie-Claire le, 05/04/2006L' vieux plat
Poème de Jules MOUSSERON
J'aime à vir' l' vieux plat d' faïence
Qué m' bonn' grand'mèr' m'a laissé,
Jé l' connos tout d'puis m' n'infance,
L' cher bib'lo du temps passé ...
Comm' l'agraf' maintient l' durance
De ch' vieux plat à d'mi cassé,
S' charm' artient toudis l' souv'nance
Dé m'jonn' temps presque effacé
Ch' n'est point comme eune chosse antique
Que j'ai quierr' cheull' vielle r'lique ...
Non ! ch'est parc' qu'in l'raviettant,
J'aime à rêver qu'à m' n'aurore
El fleur qui gaimint l' décore
A fait rir' mes yeux d'infant ...