au fond del pature
par minloute le, 06/04/2006dins l' rue leverrier à bruay , i avo eune grante pature, un grand champ, qui éto pas cultivée et au fond i avo d' un coté eune sorte ed bosquet du qu' ja djà raconté , que chéto not' quartier général, in tchiot peu en hauteur, avec vue sur ché blés qui menotent al' rue verte du qu' danger i pouvo toudis v'nir un jour, et pi cha nous permetto d' surveiller aussi l arrivée des mères qui cachottent aprés leux zinfants
honte à chti qui voyo arriver s' mère, cha voulo dire que l' partie d' plaiji ale éto finie, pi chéto seur eune engueulate , pire eune clique ed vant ses copains, vu que si l' mère ale v'no cacher aprés ti ché sur que t éto pas rintré al' mason à l heure qui éto prévu
bon j arviens à min sujet , au fond del pature sur la gauche i avo un cerisier , i nous servo aussi d' point d' surveillance sur tout autour, meme qui a des coups in s' faiso ingueuler d' part d'sus l' mur d à coté pasqu in raviso ché eux, bon vous m' direz , i pouvotent toudis crier , raler, l' temps qui fasse el' tour, cha devo les décourager , in auro eu chinquante fos l' temps d' arsauver
par conte si in rincontro chte personne dinl' rue , quand qu on donno l' main as' mère , in avo toudis peur d avoir eune reflexion, ou pire eune armontrance du genre , ah au fait vo zinfant i acoute pas ch' qu on li dit d' faire, i ravisse chez nous et patati et patala ......
bon mais quand que chéto l' saison des kériches , bin nous in monto dans ch' l arpe pour aller querre ché fruits , par conte i fallo faire attention à nos maronnes pasque ché cerisiers i zavottent eune facheusse tendance à faire comme del ' glue sur ché branques , alors quand t attrapo cha sur des maronnes, bin té pouvo et' sur que t avo dro à ramona al' mason in rintrant ... l' maronne ale est foutue, j' va pas toudis tin acater , in roule pas sur l or et patati et patala .....