Les jardinschez Derosiaux
par mistinguett' le, 13/04/2006J' sais pas si ch'est comme cha qu' cha s'écrivot, note problème quand in étot tchiots ch'étot pas d'écrire ch' nom, ch'étot d' rintrer dins ch' magasin.
Chez Derosiaux!!
Pour tous ches infants du 3 d' Liévin ch'étot l' maison du bonheur. Ch'étot c' qu'in appelle à ch' t' heure inne confiserie.
Ch'est l' piéce ed devant d'inne maison des mines qui avot été trinsformée in magasin. Que bonheur quand in rintrot d' dins, l'odeur ed chucrale qu' i avot! Rien qu' d' in parler je l' sins core.
Madame Derosiaux, elle, ch'étot inne femme gentile comme tout, in pouvot rester un bon momint à cacher c' qu'in allot acater, alle disot jamais rien, alle attindot tranquil'mint. Quequ' fos, sin magasin i étot plein d' gosses qui parlotent fort, qui s' poussotent les uns les autes, je m' rapelle pas d' l'avoir vu s'énerver, alle restot toudis calme à servir derrière sin comptoir.
j'ai l'impression qu vous parlez de ma mere.
PATRICIA
