Les jardinsla messe
par minloute le, 14/04/2006chéto eune institution pour eune partie ed la population, i avo la messe du sam'di soir, et celle du diminche, sans oublier pour les plus anciens ché vépres
in les voyo tous passer pour aller al' messe, bio mantio, sac à main , à s attinte au coin del rue pour partir ensempe tout cha pour aller à sainte barpe
mi j avo ker ch' t église là , ale avo un charme, in tout cas chéto l' églisse d' em' n enfance et j a toudis comme flash , l' coup que j y a été chéto l' soir, l' mercredi des chintes, et quand qu'j a vu arvénir min père as' plache i avo l' trace ed chinte sur sin front
cha dure cor el messe, in tout cas i a del solidarité inter ché gins, j' vo Madame Denisse, j mets qu' chin prénom , mais Denisse al' vient cor chaque diminche al'mazon , in sortant del messe pour donner l' ostie am' mère , ché d' l amitié , ché del solidarité
min père i faijo cha aussi , in rintrant d' l églisse i rameno l' ostie am' grand mère, i avo eune boite à ostie, et m' grand mère, qu ale s artourne pas dins' tompe, ale va cor dire que ch' su un innochint comme ale le diso, mais j avo l impression qu as' jetto d'sus comme un tchien sur un oche, y a un coup j' li a dis j avo dans les 12 ans , "te dépéche pas mémé , ché tout pour ti" , alors là j a eu dro aux gros yux, ouais chéto l' spécialité d eum' grand mère, ale faijo comme ché cobras, ale prév'no à l avinche .......
