el solex à min père de Annie D-Pailliot
par annie62110 le, 15/04/2006Aujourd'hui min père y'est r'venu de l'fosse à pieds, s'mobylette al est en rack, j'devro dire qu'al est surmin morte, aussi y'est plus mate que d'habitude, et comme ch't'hiver y'a été bin malate, avec s'n' emphysème (cha ché l'nom que l'médecin des mines y donno al silicose), l'maison al est pas assez riche pour li n'acater eune autre, in plus mèmère al est al maison al a b'soin d'li pour vire eune télévision d'occasion au bord ed'noyelles, et al veut pas aller tout seule, donc bon garchon l'vla parti avec s'mère, trois quarts d'heure plus tard in intin eune sonnette, papa y'est la tout fier sur in solex tout neu, y'est contin comme tout, mi j'eto din l'confidence mais j'avo rin dit, mèmère al y'avo acaté la veille et j'avo été avec elle, ach't'heure y'est din sin gardin, in va l'intindre chiffler jusqu'au soir, faut dire qu'y a fait eune paire ed tours ed'cité avec sin nouviau engin.