bonjour monsieur, bonjour madame
par minloute le, 15/04/2006chéto un rituel, vous m' direz , chéto l' minimum à l époque, cha a bien cangé, in nous zappreno à tous à bien dire bonjour monsieur, bonjour madame
bon mi j' vo achteure, dinl' commerce , ché gins ché à peine si vous dissent bonjour, j' diro ché du 50 50 achteure
mi j' le vo aussi dins ch magasin ché parints i laissent tout faire à leu zinfants, j' vo taleure i n a un qui juo à monter et à faire déchinte un store comme un ébeulé, et ché parints i dizottent rin, mi comme d habitute, si ché zinfants i zont pas eu l éducation ché nin leu fautes, mais ché nin pour cha qui va continuer à faire l' brindzingue avec l' matériel
bon pi j' vo aussi quand que j' va am' n épicerie du villache, ché parints i rintent avec leu zinfants, combien d infants i dissent te bonjour à ché gins ou meme à l épiciere, bin in a pas grinmint pouvez m' croire
mi l' mienne ale rinte ale dit bin bonjour à l' épiciere, pi y a des coups , i a not' propriétaire , eune braffe dame ed plus d' 80 ans qui est là et qu ale fait ché courses aussi, bin m' tchiote ale li dit bin bonjour, cha l épate et souvint m' file al' do choisir un liffe d infants pour elle et ché l' propriétaire d' no mazon qui li paye
mais j' sais que meme si ale avo rin ale diro bonjour, pasque meme si ch' monte i tire plutot vers le bas pour l' respect des chosses basiques, mi am' mazon , cha cange pas d' génération en génération, achteure i f'ront s' qui voudront avec leu zinfants, mais j' sais que quand qu on aura ché pétits zinfants , in leur apprindra cha aussi et y a quand meme des bonnes chosses qui faut garder quand meme