mon père , ce héros au sourire si doux
par minloute le, 17/04/2006i diso cha aussi d' temps en temps, "mon père ce héros au sourire si doux " i diso cha am' mère quand qui voulo s' réconcilier, ouais j' la djà dit min père i parto au quart ed' tour, mais y argretto aussi vite c' qu i avo dit , y auro pas pu ete un bon ambassadeur qui dijo , à défaut j' essaie d' ete un bon syndicalisse ....
ah y a des coups , ché vrai , si l' plat i arrivo et qui éto un tchiot peu brulé in d'sous, alors là in éto sur del réaction, min père qui gueulo et m'mère qu' ale brayo....
mais aprés i diso s' phrase "mon père ce héros au sourire si doux " .....
j' me d'minte si in devro pas el'ver eune estatue am' mère , j' cro qu' bin qu' ouais pasque in n' a intindu
em' dijo qu' au début ale ozo rin dire, mais faut dire que durant ché vint dernières zannées ale avo pris del répartie aussi et chéto pas triste....