Les jardinsti victor , j' t' as jamais eu ker
par minloute le, 18/04/2006ti victor , j' t' as jamais eu ker, i parait que t' éto un des plus grands écrivains du 19 ème sièque , alors de chte fait là, in a eu droit à tout et cha pour des jones zinfants ché nin tolérappe
ti qui en sixieme t' as du faire eune explication d' texte sur les travailleurs de la mer , ti qui a du lire tout ché misérapes pour l' cours ed l' école
ti qui a du apprinte en étant cor plus jone des récitations d' victor hugo , té peux réagir que comme mi
pasque les récitations d' victor hugo chéto nin facile à apprinte, té butto sur ché mots , d' abord t' avo du mau à comprinte son style ampoulé, et apprinte eune récitation que t' in comprint pas l' motié ché nin évident
nan , ch' victor hugo i m' a jamais plu, ché comme musset , vigny, théophile gautier, nan , zavez pas ecrit pour ché jones, in tout cas vous nous avez tindu des pieches, in devo lire arlire vos rimes pour essayer ed les ardire comme un tchiot perroquet
nan, mi j' dis i n' a un d' poéte qui m' a vraimint plus , et ché pour mi un des plus bios poèmes d' la langue francaisse ché "rondeau" de Charles d' Orléans, cha ché du poème tout simpe , rythmé , qui donne invie d'le déclamer ou tout du moins del' réciter
nan mi victor , teu m' escuseras t' as pris un coup d'viux alors que Charles d' Orléans qui a vécu eune paire ed sièques avant ti ché toudis d' actualité
