Ein' naissance i a 80 ans (2)
par Ch'Zio le, 20/04/2006J'voudros compléter l'article d'Marie-Claire mais i faudrot plutôt dire 81 ans, car i s'agit d'el mienne ed naissance, d'après c'que m'ont raconté mes parints et mes mononcles et matantes
J'étos un prématuré, né à sept mos d'grossesse, et à c'qui paraît j'étos pas biau à vir, avec m'chair qui pindot autour d'mes bras et d'mes gambes.
Alors j'ai été él'vé dins ein' boîte à cauchures rimplie d'ouate et posée su l'porte du four d'el cuisinière à carbon. Chelle couveuse là, al a bien rimpli s'n'office et l'photo am' moute six mos pus tard.
Au "pèse bébé", du qu'j'ai rincontré m'future femme (vir l'article la consultation de nourrissons à Bruay en 1925), in étot tous les deux les plus biaux d'nou âche et nou photo al étot accrochée à ch'mur.
( 1 photos)