Les jardinsch'Zio et mi in auro pas été dins l' meme classe
par minloute le, 25/04/2006ché zartiques à ch'Zio, ché del déformation professionnelle, té sint ch' ti qui sait exposer les chosses et qui s' passionne pour tout c' qui a trait al' mécanique , à l electricité, à la technologie
mi chéto tout l' contraire, chéto l' histoire, la géographie, le français quand qu' on parlo pas d' victor hugo bin sur, mi c' que j' avo horreur chéto musique, dessin, et surtout et de très loin la technologie
ah vinguette, que j' y allo a r'culons à ch' cours là, chéto en quatrieme j' cro bin, chéto l'lundi matin , pour vous dire que trinte ans aprés j' sais cor l' horaire
oh la la, étudier eune lampe ed poche, dessiner avec des pleumes espéciales ou alors des crayons critérium à pointe hb, wc etc pire encore l' enqu' ed chine, alors là pouviez et' sur que j' faijo un paquet d' taches such' dessin à rinte à la fin du cours
là chéto min calvaire, mais bon heureus'mint i avo aussi histoire ... non chéto pas cor histoires de chtis , mais qui sait, ptete que cha m' a inspiré....
