la prostate , la grande enygme

bon j' va essayer d' faire aussi drole, mais cha va et'dur , mi j' écris comme cha vient j' espère que cha va bin l'faire quand meme

ouais mes gins souv'nez vous d' vot' infance, et des grandes zenygmes d' inculture que vous zavez connu

bon j' vous plante l' décor, l' tante untelle ou l' cousine untelle ale vient al' mason pour passer un momint , on est l' aprés midi, ale a ram'né eune boutele ed chaland, ché eune marque ed jus d'raisin avec eune belle étiquette sul' boutele , alors i comminche comme ché l' rituel à chaque coup, ché d' arpasser en r'vue toutes ché connaissances
j' a oublié d' vous dire que j' devo avoir huit neuf ans pas plus, alors mi j' éto au coin del tape , pasque j' acouto sans écouter les discussions des grantes personnes
tout que j' éto obnubilé par l' verre ed cérémonie que m' mère ale avo sorti
ouais min verre ed cérémonie , min verre qu' in sorto dans les grantes zoccasions chéto un magnifique verre à moutarte, avec d' sus un dessin de riquiqui et roudoudou j' cro bin
bon mi j' éto donc au bout del tape in train d' boire min verre ed jus d'raisin de marque chaland, d' ailleurs i avo eune belle étiquette sul' boutele, et j' acouto sans vraimint acouter les discussions des grantes personnes
savez pas m'sieur untel, i s a fait opéré, nan ,d' quoi qu al' répondo m' mère, et là ché comme chi ale avo fait eune gaffe, in m' ravisse du coin d' l oeil pour vire si j acouto, j éto assez malin comme tous ché jones pour printe min air l' plus intelligent , qui veut dire, té peux continuer à parler , ch' tchiot i acoute pas, et pourtant in a ché zoreles toutes grantes ouvertes, comme des capteurs, des vrais radars , tout en gardant un air ed' benet , avec l' bouque ouverte, rajoutez un tchiot peu d' saliffe et là ch' tour y est joué, i sont en confiance
alors l' cousine ou l' tante ale rajoute d un ton à la fois secret , solennel, et entendu , "del prostate" , cha voulo tout dire, pasqu après i avo comme un grand silence
grand silence que mi derriere min verre à moutarte que d'dins i avo du jus d' raisin de marque chaland, avec j' sais pas si j' vous la dja dit avec eune belle étiquette sul' boutele, ché là que j' lacho l' phrasse qu ale tue "ché quo m'man l' prostate " , tout in gardant sin air benet in ravisant sin verre ed moutarte rempli ed chaland ...... belle étiquette sul' boutele
et là té sint que t as posé l' question qui fallo pas, que si t avo djà eune réponse derriere tin verre ed moutarde .....sul' verre que chéto un miraque
t avo plutot dro à " ferme et' bouque t aura l air moins biete et pi ché des conversations d' grantes personnes"

la prostate , chéto eune enygme pour nouzautes , un monte à part, cha devo et' graffe pour que ché garnoules ale zen parle avec tant d'précautions , ou alors t arposo eune question du genre "et toi m'man té la dja eu l' prostate" et là té comprenno pas pourquoi ché femmes si sérieusses si moralisatrices quéqu' secontes avant, là , ale zéclatotent ed rire ,t' laissant tout seu tout con derrière tin verre à moutarte rimpli d' jus d'raisin d' la marque chaland, pour ceux qui aurotent cor des doutes, chéto eune marque d'jus d' raisin qu' ale avo eune belle étiquette ed sus...