publicités interdites .. (2)
par Marie-Claire le, 28/04/2006J' voudros arvénir sur chés publicités interdites à Pierrot
El première sur el France Routière qui vante les mérites du vin et qui dit qu' in vit pus vieux si in bot du vin
Et par rapport à cha j' vas vous raconter eune histoire familiale
J'avos min grand père maternel qui étot cardiaque, j' cros bien qui a eu ses premiers malaises cardiaques vers 45 ans, in eune vingtaine d'années y a eu plusieurs crises graves et j'a même toudis intindu dire qui avot été administré plusieurs fois
Em grand mère al étot pour li aux ptits soins ale li laichot rin faire, même pas porter ses pantouffes comme dijot m' n'aute grand mère .. enfin cha ché pour l'anecdocte et ché pas là l' propos
Avec tout cha min grand père qui étot donc suivi régulièr'mint, un biau jour y a queut sur un méd'cin qui a conseillé d' boire un verre d'vin tous les midi in mingeant
Pas n' importe que vin, du bon vin bien sur et pas pus d'un verre
min grand père i s'y a t'nu al prescription médicale jusqu'à .. . 81 ans
Alors j'sais pas si ché sin verre d' vin qui l'a aidé, mais à plus d' 72 ans i s'étot armis à faire plein d' cosses qui féjot pus d'pis longtemps, comme du vélo
j' cros bien qu'un verre d' bon vin par jour ché bon pour la santé, mais comme dins tout ché toudis l'abus qui est pas bon