Les jardinsà l hopital
par minloute le, 28/04/2006quand j' avo 17 ans j' m a fais opéré à l' hopital ed Lille , d' eune exostosse, ché quo qu' cha n' est que ch'te biete là , zallez dire
bon j' simplifie , ché quand té grandit trop vite , et qu ché oches i peuffent pas suiffe, alors cha fait que l' oche au lieu d' grandir en longueur, bin i pousse sul' coté, cha peut et' dangereux , pasque si t' a un coup d' sus cha coupe l' veine ou l' artère qui passe derriere , et ché pour cha aussi que j' bale toudis d un coté , vu qu à la suite ed cha , j' do avoir un leger décalache d' tale ed gampe
bon l' hopital, ché dur , quand té cor jone, pasque d abord ché loin, ché Lille, meme si ché qu à eune cinquantaine ed kilometes ed bruay, cha parait l' bout du monte
j' in a vu des espécimènes, in n' avo un qui éto là , i s' éto fait casser l' bras, in faijo un bras d' fer avec un camarate pour juer dins zin bistrot
au début in éto un peu chochotte, vu que quand té voyo un tchiot peu d' sang té raviso pas
au bout d eune semaine, i a eu un graffe accident d' la route, i zétotent in train d' distribuer l' repas, chéto not' seul distraction d' la journée, et là patatra i zarettent juste avant not' salle vu qui faijotent passer des gins sur des chariots à roulettes, avec eune couverture ed su , l' visache cor plein d' sang , bin j' do dire qu' in a ralé , pasque ch' service du r'pas i éto freiné et qu' in allo minger frod ché sur , in est peu d' chosses
