El lanterne d'vélo à acétylène
par Ch'Zio le, 29/04/2006In plus de ch'frein au moyeu, l'vélo d'min pére i avot eine autre particularité : i étot équipé d'eine lanterne à acétylène, qué j'possède toudis ( photo 1)
In rimplichot d'carbure l'réservoir du d'sous et in mettot de l'iau dins chti du d'sus. L'pointeau du haut permettot d'laicher querre l'iau goutte à goutte su ch'carbure et cha dégageot d'l'acétylène. Alorsse in allumot ch'bec qui étot au foyer d'un miroir parabolique et protégé par un verre bombé (photo 2).
L'flamme donnée par l'acétylène est très éclairante et in pouvot régler l'intensité d'el leumière avec ch'pointeau, in laissant l'iau s'écouler plus ou moins vite. L'gros avantache par rapport à ches dynamos intraînées par frottemint su ch'pneu, et qui comminchottent seulemint à apparaître, ch'étot qu'el leumière al est constante et indépindante de l'vitesse de ch'vèlo.
Même si in monte eine côte à pied, in vot toudis aussi clair.
Chelle lanterne al est toudis in état d'marche, mais je n'connot pas gramint d'marchands d'vélos qui vindent incore du carbure de calcium…
très belle, t'lanterne CH'ZIO!
quant au carbure, mi, à Bruay, j'in trouvos cor à Béthune (mais par gros sacs et je'n'te dira pas c'quej'in faijot! ets:maxmine)
mi j'ai n'ai cor à'mason parce-qu'min voisin y'est spéléo,
rinseigne te auprès d'un club de spéléo (au plus prés)et y vont t'dépanner, y sin servent sans arret!! pour leurs lampes, et t'lanterne al'va ar'cracher l'fu!
a+
pierrot
( 2 photos)