Jojo (en souvenir d'un ami très cher)
par klavzer jean marie le, 03/05/2006
I étot m’n’ami, min comarate,
Claué su s’caïelle, tel Jésus su s’crox
Aveuc li, j’arfaiso l’monte pus bieau
Li n’croïot pus, à tous ches salates
I comptot ches heures pou t'nir s'qu'au soir,
Tuant sin timps dins ches pintes ed mousse
I chuchot des brunes des blondes et des rousses
Busiant su s'vie, seu assoïé din l'noir;
I étot m'n'ami, min comarate
Ro sans un clau i trônot près d'sin fu
Milant ses angouches qui prenotte ech d'sus
L'impêchant d'arquer, l'rindant toudis mate.
J'arrivo ale brunne pou mette du carbon,
Ses yux is luisotte, s'bronne ale cangeot.
Quéqu'fos i cantot ù ben i uinniot
Mi ej l'acouto comme sin grind garchon.
Pis, ch'ti qu'j'appelo Jojo, un biau jour,
I n'a eu assez d'ete toudis crankeus,
Ed pu savoir arquer et d'ete tout seu
Pou longtimps, i est dalé faire un tour.
JMK
( uinnier-grincer-pleurnicher, bronne-figure, angouches-douleurs vives, crankeus-maladif)