Merlimont sous l' pleuffe
par minloute le, 07/05/2006bon ché vrai , in allant à Merlimont , i avo l' premiere solution, i pleuvo ...
donc in avo dro à "met tin kaouai," "té va pas y aller en sandalettes" "marche pas dans l' io" "fais attention avec tin parapui" "ravisse ou té marches , té vo rin avec eut' capuche" " nan i va pas acater eune bouée, i pleut " "met ch' journal dint' poque"
ouais pasque si i faiso bio, ch' premier jour qu' in arrivo in avo dro à un cadeau, eune bouée , un ballon, eune pelle ou un ratio
pasque d' eune année sur l' aute pouvez et' sur que l' bouée ale éto crévée, que ch' ballon i avo aterri ché ch' voisin ou alors parel , i éto crévo à forche ed tapper dinch' mur en parpaings, nous in diso que chéto ch' tchien, i avo bon dos chti lale i pouvo pas dire que chéto nous, quant al' pelle et l' ratio, à chaque coup chéto perdu dinch' sape
mais quand qui pleuvo , in avo dro in arrivant à un premier cadeau , chéto un liffe qu' in nous acato al' librairie, chéto soit un pif poche, un mandrake, ou un tchiot liffe type akim, ivanohé, tex jones, x 13 ou kit carson ...... chéto bin , par conte i fallo pas qui pleuffe d' trop pasque l' mason ale éto pas trop grante, et à forche ed lire et d' arlire ech' liffe, j' avo oublié aussi rintintin, à forche à juer aux bidets, aux dominos, d' raviser l' voix du nord, pour vous dire qu' in savo pas quoi faire, à forche ed faire du coloriache, bin l' tension ale monto
dès qui avo l' mointe rayon d' solel, in voulo sortir, alors l' mère ale archigno quand meme , bon té fais attention d' pas trop d' mouiller tes pieds, mais chéto sur qu' in s' faijo ingueuler in rintrant pasqu' in juant dans ch' sappe, in in ram'no eune tonne dans l' mason, et cha crisso sul' carrelache
heureus'mint l' midi m'mère ale faijo bin à minger, i avo eune sacrée buée sul' vitre qu' in devo artirer pour vire dehors c' qui s' passo
in guetto l' rayon d' solel d' l' aprés midi , i a des coups j' do avouer qu in attindo pour rin, et alors chéto l' prom'nate, Merlimont Stella Merlimont par el plache , cor i fallo qui a pas un vent à décorner ché boeufs, in coup in avo un sacré vint dins l' dos, ché comme chi in éto poussé pour aller à Stella , chéto bio, l' mer pleine d écume, et ch' sape qui filo comme si chéto l' tempete et qui claquo sur nos gampes
pi eune fos arrivé à Stella , eune drachée qu' ale nous tompe sur nos écalettes, alors entre deux gros nuaches min père et m' mère i zont dit chéto trop long d' rintrer par l' route , in faijo cha aussi pour éviter ch' vint au r'tour, bin in s' a ingagé dans l' aute sens, bin in n' a mingé du sape mes gins, in éto tout courbé tout l' long du r'tour, chéto interminape, comme si i avo eu un diape qui faijo qu' rallonger ch' parcours, in a été contint d arriver à ché premieres masons, in n a meme pas été jusqu au milieu del plache pour armonter par l' rue principale, oh non et que bonheur quand qu' on a pu s' mette à l abri conte un mur, in avo les zoreles toutes piquantes toutes rouches
bin l' soir croyez me si vous voulez mais y a pas fallu eune berceusse pour m indormir