les modes cangent
par Marie-Claire le, 12/05/2006Taleure quand j' pinsos à min sujet su ch' logo du nord pas de calais, ben ouais passequ'i m'arriffe d'pinser à c'que j'vas raconter ou d' treuver des idées dins l' journée
alors taleure j'étos in carrette et j' em dijos que si j'in trouvos un d' autocollant je l' mettro su m' carrette pourtant j'sus pas habituée à cha
et du coup j'ravisos dins chés files d'carrettes, ben in vot pus rin d' tout cha , ché dev'nu sobre, tertous i s'fait discret, cha dot aller avec l'état d'esprit d' l'époque, sobre et j'diros même morose
In est loin d' l'époque des autocollants partout, des queues d' tigres, des tchiens qui balanchotent leu tête su l' plage arrière, bon chétot pas toudis des plus raffiné os allez m'dire, mais j' cros surtout qu' ché eune question d'état d'esprit in fait, in s' fait discret in dirot
au fait si y a quéqu'un qui a eune piste pour avoir ch' fameux autocollant, cha m'intéress'rot, même si j'sus pas à la mote ...
Ché comme la mode, y a 35 ans chétot oranche, vert, jaune, bariolé, ben j'vas vous raconter queque cosse, dù que j' travale in face y a eune faculté, et d' nos farnietes in vot l'intrée, quand i sortent in dirot eune vague noire ... ou eune marée noire, i n'a bien 90 pour cent d' chés jones qui sont habillés tout in noir, cha aussi cha veut bien dire queque cosse ...
ches modes ales sont bien à m' n'avis l'arflet d' l'état d'esprit d' chés gins à chaque époque
Marie-Claire, comme j'ai dit ailleurs, i a longtemps que j'ai cha su m'voiture, d'ailleurs j'chu passé din tin coin i a pas longtemps avec cha su l'cul de m'voiture et j'dos pas ête l'seul. Pour l'avoir té d'mandes à l'Office du Tourisme de l'Région et i vont tin invoyer quique z'in.
Bref si cha marche pas, je n'ai cor à l'maison.