eune bonne prone Annie DP
par annie62110 le, 16/05/2006Min parrain el frère ed min père y resto in face ed not'maison, ed'l'aute coté d'el route nationale. Ch't'année là au début des annèes 60 y'avo décidé d'acater un tonniau d'vin et un d'muscat, seul'min y fallo l'mettre in boutelles, et in plus al'pipette, aussi y'a d'mandé a sin frère d'y donner un coup d'main.
Vla donc ché deux frères assis al cave devant ché tonniaux intourés d'boutelles vides, et ché parti!! cha avanche vite, mais vla a chaque boutelle y avaltent eune gorgée, aussi au bout d'in momin cha cante et pi cha rit, après cha zozote in tiot peu, eune heure plus tard in intindo plus rin, y z'etotent ronds comme des queues d'pelles, y'a fallu é'zinr'monter, y zont bin ronflé.
El lend'main à midi y zont bu in tiot muscat pour s'inr'mettre..