Les harmonies de la Wehrmacht
par Ch' Zio le, 17/05/2006Pindant l'guerre 39-45 des harmonies d'l'armée allemande donnotent régulièremint des concerts su l'place du Cercle à Bruay. In général ch'étot eine musique ed grande qualité. Leu différince avec ches harmonies d'nou région, ch'est qui s'avotent gramint d'percussions : cloches, triangles, gongs.
I avot ben quéques bénaches, inconchients d'leus actes ou ben collabos, qui restotent plantés devant ches orchestres. Mais si j'passos par là par hasard et malgré m'n'invie d'acouter chelle belle musique, j'prenos m'n'air el pus indifférint et j'passos min quémin, pour n'pon avoir l'air d'approuver leu présinche.
Et l'majorité des bruaysiens i s'avotent el même comportemint.