patatras !!! de Annie DP
par annie62110 le, 20/05/2006j'su in congés j'ai 18ans in est in 1965, et j'passe mes vacances à gardincour, ch'matin j'ai mis un short un tiot maillot, j'ai un fauteuil ed toile et d'l'huile solaire, j'cro que j'vas profiter de ch'bio temps pour faire eune tiote bronzette.
J'm'installe din l'cour su ch'fauteuil j'su bin! Ah vla l'fiancé de m'copine su s'mobylette, y s'arrete pour m'dire bonjour, cha va faire deux minutes qu'in parle, quand patatras ch'fauteuil y craque j'm'artrouve à terre coinchée din ché barreaux d'fauteuil, j'ai l'air fin, et l'autre grand' andouille y est mort ed rire su' s'mobylette, em'mère et m'soeur al'm'tirent par mes bras, mais cha gliche j'su plein d'huile, al sont obligées d'prindre des serviettes pour inv'lopper mes bras.
L'temps ed' detouiller ché barreaux d'chaise j'su enfin d'bout. J'in conno un qui perd rin pour attindre ché drole y rigole moins quand y m' vo ramasser des caillos j'diro meme qui s'sauve bin vite. In tout cas , mi in plein mois d'aout, j'su forchée d'mettre un gilet, j'ai des sacrées bleus su mes bras, allez savoir pourquoi?
j'ai j'té el flacon d'huile solaire