en arvénant à bruay

j éto contint d arvénir à bruay, d' quitter mes montanes qui m 'ont adoptées, mais artrouver ché terrils , sin coin, cha fait quiquosse que les zautes i peuvent té pas comprinte
commint i pourrottent comprinte qu in a ker printe des photos d' mazons toutes pareles collées les eunes aux zautes et qu in appelle cha les corons

j' cro qu' ché aussi pasque tout i sembe s ete arrété à bruay et qu in arconnait pu s' ville ou tout du moins s' n 'activité
avant quand té preno l' rue cadot ou qu' t' arrivos au cerque, au centre ville, j' dis pas que té juos des coutes pour passer , mais y avo du monte , i avo eune activité commerciale, i avo du monte qui allo et v'no
achteure t as l impression excusez me ceux qui viffent cor à bruay que ché d'venu un mourroir ou plutot eune ville sans ame , ou eune ville qui est en train d' tourner eune pache , et qu in sait pas c' qu ale va d'vnir

cha fait eune drole d impression d' es' prom'ner d'vant tel ancien magasin et d'vire l' devanture qu ale est freumée ou qu al' plache ché d'v'nu eune mason d habitation
bruay ché cor em' ville, pasque j artrouffe en m' prom'nant à pied des souv'nirs des zimpressions, comme quand que j' débouche in haut del' rue d'denain et que j' vo m'n ' ancienne école
ale m impressionno ch' t école là, bin ouais, in i aprenno plein d' cosses, pi l' pu terripe ché quand qu on voulo pas y aller , qu in dijo qu in avo du maux à sin vinte, bin chéto radical, in y allo quand meme , fini l' bon temps quand qu in resto avec maman, j' su sur que zavez tous vécu cha au début comme eune déchirure, commint ! not' mère qu ale dijo qu ale nous aimo, vla ti pas qu elle nous laiche comme cha tout seu avec d autes tchiots tous aussi peu rassurés qu' nouzautes dinl' cour ed l école, et pi in peut faire des pieds et des mains ché pas pour cha qu on armonto avec s' mère
meme qu au début in avo des doutes, qu in avo été abandonné , ou alors qu' not' mère ale nous zaimo moins qu avant , bin chéto sur cha, commint comprinte que du jour au lend' main meme si j' me souviens qu avant l' rentrée in éto passé eune paire ed coups d' vant l école et qu am' diso que cha allo ete m' n école et que j allo i éte bin, bin in éto rassuré que quand in l' voyo eune fos l école terminée, près du grand portal vert pour nous ram'ner al' mason
au début in s a tous dit, bon d' toute facon, not' mère ale va nous laicher ichi , ale va trop s innuyer d' nous, ou pire encore, in s' dijo, bon in va aller à l école pour li faire plaisir, mais cha va pas durer longtimps et pi in s est apercu jour aprés jour, bin qui fallo y aller in étot pas trop contint ach' momint là, mais j' su sur que cha do ete pour beaucoup d' gins , un grand souv'nir que ch' t époque là du que maman et papa cha compto cor ....
dans quéques jours, in va faire el tour ed bruay en photos, zallez arvire des quartiers, des masons qu' vous avez connu et j' me permettrais mi qui a eune lanque qui n est pas maite ed vous faire à chaque coup un tchiot commentaire, eune tchiote histoire