ch' mineur m' a dit ....

ch'te mo chi , j' su armonté à Bruay les berdoules

comme d'habitute, j' passe par ech' monument aux mineurs ed Bruay , pour vire si y est bin entretenu, ou si l on pas transformé en lampe ed ' bureau, faut s attinde à tout achteure
j arriffe, et tout d' suite , j éto plutot contint , chéto prope, pas d' packs ed canettes vites autour, pas d' graffitis, j' me dis din m' tiete, bravo Serche Gouillart , ché chti qui al' mairie a la rute tache d entretenir ou plutot d' réparer toutes ché dégradations qui sont faites en ville, et un coup j a discuté avec li, chéto effarant ed vire combien que l' mairie ale éto obligé ed débourser pour réparer ché conneries faites par des jones
j'allo arpartir quand que j intind "psitt, eh , minloute" j m artoune partout , rin, j va pour arpartir, j intind cor tout douch' mint "psitt , eh j' su là minloute" , j avo donc bin entendu, j avo eu des doutes au début , bon j' fais l' tour d' l hayure , personne
j' ravisse in l air , personne, oh j' me dit cha ché d aller boire eune pelforth brune à mon dech zeff au matin, cha t' réussi pas minloute
j' passe prés del' statue et là, quo qu' je vos, j' vous jure sul' tete à tata rachel, ses yux i bougeottent , et i a comminché am' parler
mi j éto resté l' bouque ouverte, qu un paquet ed ' mouques ale zaurottent té pu rintrer s installer sans que j' disse quéquosse
mais y a fallu s' rinte à l évidence, l' statue du mineur am' parlo
faut pu s inquiéter d' rien achteure , pour preuffe les téléphones sans fil et personne i dit rin , cha géne pas la morale
alors j' m appuie comme l' statue sur ch' mur in brique, li ché pour el pose, mi chéto pour m armette ed ' mes zémotions
et là j' vous artranscris fidèl'mint c' qui m a dit
j ouffe les guillemets
"bonjour cha va qu' ji dis, cha ché pour pas perte el face
im' répond, pas térripe, acoute me bin, si j'm a permis d' eut' parler ché qu' j in peux pu, j' su ch' dernier mineur d' bruay, j ' print l' posse comme cha quand ché gins i passent d' vant mi, sans quo j' obserffe c' qui c' passe in ville
mi comme un con j' li dis zavez souvint des visites
et l aute i m' répond , minloute j va réponte at' question pasque ché ti , mais ché nin l essentiel, nan , j'su pas mate à printe el pause, té sais y a pu grinmint d' gins qui viennent em' vire, j' su plutot imbété l' soir et surtour l' sam'di soir quand ché jones i viennent ichi pour boire eune paire ed pack ed biere, ou discuter cacoules avec leu garnoules, j in intind té peux pas savoir, qui a des coups des jones qui viennent d eune s'maine à l aute , i dissent l' meme cosse chaque s'maine mais ché pas l' meme garnoule à chaque coup"