l' mur des lamentation ou des fusillés

in tout cas ché l impression qui m' donno, pour mi chéto min mur des lamentations ou des fusillés
j' vous zexplique , foule en délire, sur ch' mur là, d ailleurs in vo cor el' trace à mi hauteur, i avo un crochet qui éto scellé dinch' mur
et ché là qu in accrocho l' corte quand qu on faijo sport à l école Loubet
d'abord arparlons du professeur de sport, j a djà fait un artique ed sus mais cha fait un bail et j' prèfère vous en arfaire un tchiot bout d' tete
ch' professeur de gymnastique chéto mr Duriez, un vieux d' la vieille mes gins ,i devo bin avoir plus d' 70 ans quand qui v'no à l école à mobylette avec sin blouson en skaille sin casque type demi zeuf sus' tiete et ses bottines avec freumeture éclair au milieu
chéto un vieux d' la vieille qui sévisso sur Bruay d'puis eune paire d années, la preuffe m' mère au tout début des années trente , ale l a subi aussi
ouais ché dans mes gènes, in n est pas des grands esportifs del gymnastique, m' mère chéto al' poutre qu ale avo peur et qu am' diso qu as' raccrocho aux caveux d' mr Duriez quand chéto sin tour et qu ale éto sul' poutre
mi j' devo avoir eune maronne in fer à min cul, mais grimper al' corte cha a été en primaire , m' n ' hantisse avec l' piscine mais cha j in r'parlerai un aut' coup
donc quand qu on faijo l' corte, mi j' me metto toudis dins ché derniers , mais à chaque coup té pouvo t' camucher derriere un qui avo djà passer , i avo toudis eune espèce d' vantard , d' sale jone qui avo arpéré que t avos pas monté, alors té devo y aller, mi j' devo ete champion du montache ed corte facon escargot et comme l escargot j avo ker l' plancher des vaques ,donc j' devo m arreter à 80 cm du sol, aprés chéto trop haut
bin ouais in peut pas avoir que des qualités .......