l' ancienne maternité, un nouvio lieu d' pelerinache

j' passe comme cha par hasard d' vant l ancienne maternité d' Bruay , qu ale est dans l' cote des grands bureaux, pour vous dire avant chéto l' mason du directeur des mines d' Bruay , avant la guerre bin seur
et d' là i pouvo par ech' gardin, arjointe les grands bureaux administratifs d' la compagnie des mines
bon cha fait eune paire d années que l' maternité ale est transformée en centre ed soins d' rééducations pour personnes agées
ché un sine cha aussi, eune maternité transformée in mason pour qu' ché viux qui ont quéu par terre qui puissent faire l' rééducation des oches
bon j arviens à min sujet
j' vo , comme vous aussi, un paquet d' cartons à coté d' l intrée, mi ni eune ni deux , quo que j' fais ? bin j' rinte dinch' batimint et là j a pas cor ouvert m' bouque que l' secrétaire administratiffe ale tompe à g'noux d' vant mi comme en admiration si j'oserai dire...
j' li dit arlevez vous restez pas comme cha ché génant pour mi, et tout d'suite al' sort eune photo d' un bébé qu am' demante ed dédicasser
mi j' me dis , ale est brindzinque ché nin possipe, et là am' dit , ché vous minloute , j m a permis d' avoir un ortographe ed vous , ché vous sul' photo quand que vous étio tchiot
mi j' comprints rin et là am' dit, "d'puis qu histoires de chtis i a print s' n envol, tous les jours , tous les jours in arçoit des tonnes ed courrier pasque ché gins i saffent que zétes né là, alors in a eune employée qu ale fait qu' cha ale imite vot' signature, zavez vu tous ché cartons déhors, bin ché l' courrier que d hier vous concernant "
j in n arvéno pas, j' su parti d' là comme sur un nuache (si i a eune méchante lanque qu ale dit qu' ché cartons such' trottoir ché pasque ché zéboueux, les collèques à frette ech marie d' marie claire, bin ché zéboueux i faijotent greffe et qu' ché pour cha qui avo un mont d' cartons d'vant l intrée, les zécoutez pas ché des jaloux ....)
photo l ancienne maternité de Bruay