Les jardinsch'premier Mineur d'Bruay au N° 1
par loumarcel le, 31/05/2006Ravisez mes gins l'photo qui a à l'éditorial, ch'premier mineur d'Bruay i m'veyo pas, mais mi je l'veyo (1ère photo), je m'sus approché et j'lai ravisé dins les yeux (2ème photo) et ch'est li qui m'a moutré dû que ch'pu vieux magasin d'Bruay qui étot (3ème photo), Minloute i l'a pris in photo mais i n'y a pas rintré enn dins et i a eu tort, passe l'femme qui tient cor ch'magasin alle m'a tout raconté.
Alle est dinne gentillesse pas possipe.
Ch'magasin i date ed 1920, et depuis 1920 rien n'a changé, le magasin Godart s'est transmis d'génération in génération i a toudis fait de l'maroquinerie, cha sint bon à l'intérieur, mais alle a pu gramint d'client.
Si i est cor ouvert ch’est p’tète passe que i a pas employé et pas trop d’lumière (Eh Ouais Minloute cha coûte cher tout cha) et pis aussi que quand t’y rinte té sais s’que té veux. Et i est in rayon
Ch’est pas comme ch’matin, j’sus allé dins in magasin d’bricolach’ dû qui a gramint d’employés dins chés allées (in jaune et bleu) hum !!!, bin i avot pas c’que j’voulos i airo fallu que j’fasse 40km ed plus pour aller dins l’aut’ magasin qui a l’minme nom pour trouver c’que ch’cacho.
Bref, j'vous ai donc mis l'photo d'sin magasin mais alle veut pas d'pub.
I a in aut magasin qu’alle m’a dit qui date de l'minme époque ch'est Marc...d Fr...s, j’y ai cor aquaté deux pantalons.
( 3 photos)
