el pate à tarte au libouli
par Marie-Claire le, 31/05/2006Y avot longtemps qu' j'in avos pas parlé .......
j'rappelle qu' l'arcette ale est su ch' site
mais i m'a arvénu queque cosse que j'a pas dit
in in féjot toudis in grante quantité, au moins eune demie douzaine ale ducasse voir plus, mais surtout del pate aussi in in féjot toudis d' trop et mi j'adoros cha l' pate crue , j' pouvos pas m' impêcher d'in minger des tchiots bouts, comme tout c'qu'in découpot qui dépassot du bord del tourtière ...
pis après avec c' qui restot d' pate, in féjot un gatiau qu'in mingeot pour déjeuner (pétit déjeuner si os préférez) avec del confiture, un régal
si vous avez pas l' temps d' faire chés tartes, os pouvez toudis essayer d' faire un gatiau avec l' pate, mais ché vrai qu' cha féjot parti d' un ensempe, l' ducasse, l' tarte et ch' gatiau avec c' qui restot d' pate, ché ptete pour cha qu' cha paraissot core meilleur
allez pour vous éviter d' cacher, j'armets l' lien vers l'arcette, dù qui a l' tarte au chuque aussi
Souvenez vous des tartes, au libouli et au sucre
et on avait notre petite tourtiére mi et min frére,
Quelle joie eine tiote tarte toute pour nous!