du qu' vous êtes partis ?
par minloute le, 01/06/2006eh me laissez pas toute seule, ah ché facile dem' construire ed s' occuper d' mi, min maite , enfin chti qui m' a construite, i v'no l'matin ou l' aprés midi travailler juste à coté d' mi, j' intindo toutes ché discussions entre vigins, tiens ravisse mes routes ed salate ale sont belles, j' va commincher à démarier ché carottes, ah faut pas qu' j' oublie eune branque ed thym pour grand mère sinon al's'ro capape d' eum dire d' artouner chi pour en ram'ner
pi un jour i a eu moins d' monte par ichi , un par chi , un par là , pi un aut' jour, j' m' in souviens comme chi chéto hier, ch' maite i est pu v'nu, j' ai eu beau attinte, attinte, ouais i pouvo ete malate, bien qu' dins ché derniers temps i v'no aussi moins souvint , i éto mate, l'fosse ale l' a usé comme ale dit l' canchon, pu personne, alors autant mi j'a comminché à péricliter autant ché zerpes al' s' in sont données à coeur joie, pu personne pour les imbeter , les artirer, pu d' coup d'arbraquettes , pi i zont comminchées à m ' n' arguer, i s' moquottent ed mi, à ché vrai j' avo pu dro à min coup d' peinture annuel, ni à un coup d' burette à huile sur mes gonds, nan, à l' abandon qu' in m' a laissé
oh i a bin d' temps en temps quéqu' un qui passo mais si chéto pour m' picher d' sus chéto pas la peine ed faire un détour pour v'nir m' vire de près , j'espère qu i auro bientot quéqu un qui arprindra l' flambeau pour cultiver d' vant mi, qui s' armue ché puches pasque si cha continue comme cha , j' va bintot partir in pièches
photo cabane de jardinier derrière la rue Leverrier
( 1 photos)