l' barraque à frites
par minloute le, 01/06/2006oh rigolez pas mes gins , aller s' faire servir dans eune barraque à frites ché tout un art , j' vous zexplique
faut printe in compte plusieurs facteurs métérolologiques, savez vu comme ch' parle bin enfin presque...
ouais cha veut dire que quand qu on arriffe ed vant l' barraque à frites faut printe in compte eune paire ed facteurs
d' abord l' plus zimportant, l' sens del file que ch' marchand i sert , ché pas la peine des' mette dins zin coin si i sert ed l aute coté
aprés faut savoir juer des coutes, bin ouais , pasque devant l' barraque à frites , i a deux sortes ed clients , chti qui est servi pi qui minche sin américain, avec es' canette posée sul' rabattant du camion , pi chti qui attind d'et' servi
aut' facteur à printe in compte, l' sens du vent, ouais , pasque eune fos servi , si teut' met dans l' sins des feumées des friteusses, té peux dire arvoir à tin coté glamour si aprés t as décidé d' aller artrouver t' copine, quand qu' té va rintrer dinl' pieche al' va croire qu't as cangé tin sint bon habituel cont' l'odeur du graillon , important cha mes gins , important
aut' cosse super important, si i pleut , savoir s' trouver eune plache pas du coté du vent sinon à tourner tin dos al' pleuffe , aprés té tout fraique quand té t assis dinch' fauteuil du cinéma
faire attention aussi à pas rester trop au bord du auvent sinon ché ti qui sert ed ' gouttiere
pi aut' cosse important , essayer d' rester dins les paraches des sauces en pot qui tronent such' comptoir , comme cha si t in arveut eune ziquette , té juste à coté , escusez me j a min bac B, B comme barraque à frites....
( 1 photos)