Les jardinsEl lessive in 1940
par Ch'Zio le, 02/06/2006Après l'guerre 39-45 i avot pas eu tellemint d'progrés. In avot acaté eine machine à laver "Flandria". Par rapport al machine décrite dins "el lessive in 1930" i avot quand même deux améliorations (Photo) :
- Su ch'moteur i avot un condensateur ed démarrage et in n'avot pus besoin d'lancer ch'volant à l'main avant d'mette l'courant.
- L'cuve al n'étot pus in bos mais in alliage cuivreux, avec un chauffage par in d'sous, soit eine rampe à gaz, soit un foyer à carbon. Ch'étot quand même un gros progrés de n'pus avoir à transvidier l'lessiveuse d'iau bouillante dins l'batteuse.
Comme in n'avot pas l'gaz dins nou appartemint, in avot cugi ch'modèle à carbon.
In avot fait passer l'buisse par un vasistas, pour évacuer l'finquière.
J'em souviens aussi qu'i avot pas d'ascenseur et qui fallot déchindre 124 marches pour aller al cave et après les r'monter avec deux séaux d'carbon.
Mais in étot jonnes …
( 1 photos)
