nos jeux d'infants Annie DP

Pour tout ché tiotes filles el récréation à l'école chéto sacré, in s'dépécho d'juer in profito du temps libre qu'in nous laisso.
In dessino des marelles où in devo sauter jusqu'au paradis, des marelles à six carreaux, des escargots la, y fallo faire attintion in sautant din les virages,in avo toudi eune cule in bo et eune craie din not' poche ed tablier.
In juo aussi al corde a sauter, al balle, au mouchoir, in dédaigno pas non plus ché billes, et in canto gramin d'contines
j'va essayer d'vous in citer eune paire "ne pleure pas jeannette" "entre les deux mon coeur balance" "un fermier dans son champ" "marie assise sur une pierre" "su'l'pont du nord" et je n'ai sur'mint oubliées
in éto gaies l'récréation chéto in momint ed'défoulemint y fallo savoir in profiter, mi cha m'rind vraimin nostalgique !!!!!!!!!!!

ouais in juot à tout ch' qu'a dit Annie, j'em souviens aussi des tchiotes balles in mousse d' plusieurs couleurs qu' in lançot sur l' mur et de "1 2 3 soleil"
Et tous chés jeux là in féjot les mêmes ale mason et d'autes in plus, comme chés poupées, in juot aussi ale marchande in avot gramint d' dinettes et in juot aussi d' temps in temps ale maitresse d'école ...

Et in primaire, ché deux tros derniers jours d'école in travaillot pus et in avot l' drot d'am'ner des jeux, des jeux d' socièté, des poupées, des liffes, tout c'qu'in voulot

In parlant d'juer à l'maîtresse d'école, j'arpinse à m'mère qui étot in furie de m'vire écrire à l'craie sur l'porte des cabinets.
Dins l'rabattut juste à côté de l'porte de cuisine y avot l'porte des cabinets et l'porte de l't'chiote baraque du qu'in mettot plein "d'bricoles". J'installos mes poupées sur des tchiots bancs qu'min père i faisot, et j'juos à l'maîtresse d'école, l'porte ale dev'not l'tableau, j'pouvos rester des heures à juer toute seule mais m'mère ale étot moins heureuse en véyant l'porte toute écrite.